बर्दिया,पौष ०१(फरकसमाचार)/ स्कुटर दुर्घटनामा परि बाबु छोरीको मृत्यु भएको छ । गुलरिया नगरपालिका–६ अस्पताल नजिक हुलाकी सडकखण्डमा रोकी राखेको टेक्टरमा स्कुटर ठोक्किएर आईतबार दिउँसो दुर्घटना हुँदा बाबु छोरीको मृत्यु भएको हो ।

दुर्घटनामा सप्तरी रुपनी गाउँपालिका–१ घर भई हाल गुलरिया नगरपालिका–६ आदर्श नगर टोल स्थित भाडामा बस्दै आएका अन्दाजी ३७ वर्षिय राम कुमार शाह र उनकी ६ वर्षिय छोरी विद्या शाहको मृत्यु भएको प्रहरीले जनाएको छ । प्रहरीका अनुसार शाह गैरसरकारी संस्थामा कार्यरत थिए ।

सडक किनारमा भे १ त १०६२ नंम्बरको रोकी राखेको टेक्टर ट्रलीमा स्कुटर ठोकिएको जिल्ला प्रहरी कार्यालय गुलरियाका डिएसपी ऋषिराम घर्ति मगरले बताए । ‘स्कुटर शाहले चलाएका थिए,’डिएसपी मगरले भने,‘ दुर्घटनामा परि घाईते भएकालाई तत्काल बर्दिया अस्पतालमा पु¥याउँदा उपचारको क्रममा बाबु छोरीको मृत्यु भएको हो ।’

२ वर्षिय छोरा प्रिन्स शाह र ३२ वर्षिय श्रीमति रुबी शाहको बर्दिया अस्पतालमा उपचार भईरहेको डिएसपी मगरले जनाए । स्कुटरमा सवार एकै परिवारका ४ जना सवार थिए । डिएसपी मगरका अनुसार टेक्टर चालक कैलाली भजनीका राकेश कुमार चौधरी प्रहरीको नियन्त्रणमा छन् ।